مستلزمـآت, القـطـطـ
أولا : الاشياء الضرورية :
1) صندوق الرمل , أو الليتر بوكس :-
وطبعا يتواجد بانواع واشكال والوان وانتو اختاروا المناسب للون البيت & حجم القط
يعني اذا بتشتروا قط صغير يكون البوكس واطي او منخفض عشان يقدر يطلعله
2) صحن للأكل والشرب :-
طبعا انتو اللي تختاروا زي ما سبق اللون والحجم والشكل
وممكن بعض الصحون تكون مخصصة للأكل & الشرب
أنا عن نفسي عندي شي لهذا وشي لذاك ...
بس ما لقيت صور للمشربة
3) أكل مخصص للقطط:-
طبعا لازم تشترولها اكل خاص .. ولا تقولوا بنأكلها دجاج ولحم وسمك وتونة
لازم اكل خاص بالقطط وهذا افضل ,, طبعا في منه انواع واحجام
وكل شخص يشتري على حسب عمر قطه ..
وهذي هي احسن الانواع :
أ- رويآل كانون:
ب- لارا:
ج- فريسكاش :
وانصحكم تبعدوا عن منتج ويسكاس :
لانو يسبب ريحة فم & ريحة براز – الله يكرمكم – كريهة & بعض القطط اذا اتعودوا عليه ما يسيبوه بسرعة
4) الرمل :-
طبعا هذا الرمل اللي يوضع في البوكس
واكيد في منه انواع واحجام وتختلف اسعارها من جيد لسيء
وفي الطبي وفي العادي وفي الرديء
وهذي احسن الانواع :
أ – توماس:
ب- فرش ستيب:
5) بالنسبة للموية ما تحتاجوا غير حنفية
بس طبعا الافضل هو مآء الشرب ..
6) الشامبو : ويفضل يكون شامبو خاص بالقطط واذا مافي امكانية ممكن شامبو جونسون او نيزورال ولا يفضل استعمال الشامبو البشري لانو يسبب تساقط الشعر في اغلب الانواع:
هذي الاشياء الضرورية
يعني في ناس على قد حالهم ويبغوا قط هذي الاشياء المهمة فقط ..
والآن الاشياء اللي تفضل تكون موجودة :-
1) لعبة للقط وتتنوع اشكالها واحجامها وهذا مثال لبعضها :
2) فيتامين
3) فرشة او مشط خاص:
4) صفاية الرمل : انا ما ذكرتها في الاول لانو ممكن كل اسبوع نرمي الرمل ونحط جديد بس طبعا هذي احسن وكل يوم او يومين يتنظف الرمل وبعد اسبوعيت تقريبا نرمي الرمل كله << هذا اذا قط واحد فقط
ومالقيتلها صورة .. بس معروفة ..
5) محلول لتنظيف الاذن & قطن للأذن + العين:
6) مقص الاظافر :
والآن اشياء مو لازم تكون موجودة بس القط يفضلها وتكون احسن لو اتوفرت :
1) طوق : طبعا الطوق يختلف وفي منه انواع كثيييرة واشكال والوان وهذا مثال :
2) عامود الخربشة : طبعا كمان تختلف احجامه واشكاله :
3) سرير للقط : واكيد يتخلف كل شي فيه من واحد لآخر :
4) بودرة للريحة الجميلة :
وممكن كمان نجيب لهم اشياء ثانية واذا اي شخص حابب يضيف شي من عندهـ يتفضل
موضوع: مستلزمات القطط 